Heil og sæl
Við lentum í haustblíðunni í Keflavík í dag. Í Stokkhólmi var þessi líka þvílíki snjóstormur og við áttum í mestu erfiðleikum að fara með töskurnar niðrá lestarstöð þar sem allt var gjörsamlega á kafi snjó (sjá myndina). Ferðalagið gekk annars bara mjög vel en Frímann greyið þurfti að læra allan tímann þar sem hann er að fara í próf á morgun. Eins og venjulega er eins og maður hafi aldrei farið þegar maður kemur aftur heim á klakann....alltaf jafn skrítið.
bæbæ

Blindbylur í Stokkhólmi, ekki algengt

Tjenare!
Nú kyngir gjörsamlega niður snjó hérna í Stokkhólmi. Búið er að opna skíðabrekkuna við hliðiná okkur og veðurfræðingar eru vongóðir um hvít jól hérna í Stokkhólmi. Það er rosalega gaman að fá svona kósý jólasnjó rétt áður en við yfirgefum svíaríki og dempum okkur í rigninguna á íslandi en þar held ég að sé spáð rauðum jólum, jafnvel bara slagviðri eins og Íslandi er einu lagið. Ég hef núna formlega lokið öllu mínu prófstússi og tekur við jólainnkaup og þrif, Frímann er aftur á móti enn í fullum próflestri og fer í fyrra prófið sitt á morgun (mið). Get nú ekki sagt annað en að það sé komin smá fiðringur í magann við tilhugsunina að fara til Íslands. Þangað til ætla ég að njóta jólasnjósins og hinu yndislega veðurfyrirbrigði "logn" á götum stokkhólmar. Svona er stemningin uppí skóla hjá mér.
Hej hej!

Hejsan
Julbocke er mjög táknrænt fyrirbæri fyrir jólin í Svíþjóð. Þetta er hafur, búinn til úr hálmi og bundinn samann með rauðum böndum. Upprunalega voru alltaf tveir saman, sem áttu að vera tákn um Tanngnjóstr og Tanngnistir, tvo hafra sem drógu vagn þrumuguðsins Þórs. Mér finnst svo gaman af svona hefðum að ég stóðst ekki mátið og keypti enn stóran Julbock þegar við skruppum út í búð áðan.

Hej då

Julbocke í stofunni á Maríustöðum

JEIIJJJJ loksins kom snjórinn. Opnaði gluggann og smellti einni mynd af, svo var bambi akkúrat úti að reyna að narta í stráin áður en þau fóru á kaf í snjó en honum leist ekkert á flassið frá myndavélinni og fór í burtu.

Hej allihopa!

Kíkti á jólamarkað með tveimur vinkonum mínum hérna í stokkhólmi. Þetta er stærsti jólamarkaðurinn í Stokkhólmi og er staðsettur á Skansen safninu. Það var rosalega kósy og jóló stemning þarna en við hvíldum okkur aðeins á skólabókunum þennan yndislega fallega laugardag og kíktum þarna við. Það var sól, kalt og algjör stilla og lyktin í loftinu var svo jólaleg, jólagreni, ristaðar möndlur, kanell, vöfflur, jólaglögg... mmm....Það var mikið um fallegt handverk þarna en svíar eru mikið fyrir að gera listaverk úr hálmi og gleri (en ekki saman þó :). Þegar ég steig síðan út úr lestinni heima byrjaði þessi líka fallega jólasnjókoma, toppaði algjörlega stemninguna.

Hej då

Þessi jólahestur var á Skansen

Tjena!

Skelltum okkur í bíó í kvöld, fórum á nýju twilight myndina New Moon. Þetta var ágætis framhald af fyrstu myndinni en hún endaði svolítið einkennilega... segi ekki neitt... maður bíður bara spenntur eftir þriðju og síðustu myndinni í þessari vampíruástarævintýratrílógíu. Eftir myndina rökræddum við mikið um aldur leikara sem endaði með því að við googluðum það bara og jii hvað þau eru öll sömul ung, er eðlilegt fyrir 17 ára strák að vera svona rosalega stæltur? Allavegana þá nálgast prófin óðum og farið er að saxast á verkefnavinnu, erum búin að vera halda fyrirlestra í vikunni og um helgina verður lítið annað gert en að læra fyrir próf. Ég ætla reyndar að taka mér smá frí á lau og skreppa með krökkunum á jólamarkaðinn á Skansen. Ég fer í eitt skriflegt próf næsta mán og eitt munlegt á þri og þá er ég klár en Frímann er að fara í skriflegt próf á mið og svo þarf hann að taka eitt próf á ísl á fös. Syttist óðum í að við mætum á klakann en það mun gerast á fim eftir viku !

Hälsningar!

Hej!
Við stelpurnar skelltum okkur á Backstreet Boys tónleika í föstudags kvöldið og jii hvað það var gaman hjá okkur. Við dönsuðum, sungum og öskruðum eins og vitleysingar. Maður hvarf algjörlega aftur til ársins 1998 þegar maður hlustaði á þessa drengi öllum stundum og við vorum allar í rúsi þegar tónleikarnir voru búnir. Við vorum með miða í stæði sem þýðir að við vorum standandi og komumst alveg rosalega nálægt sviðinu, sáum alveg svitadropana á þeim og ég náði að taka þessa líku fínu mynd af drengjunum þegar þeir voru að syngja "incomplete". Fyrir tónleikana var ég með smá upphitun hérna heima á Maríustöðum þar sem við æfðum nokkur dansspor og hituðum upp raddböndin fyrir tónleikana. Setti inn myndir frá kvöldinu í myndaalbúmið.
Tja!
 

Náði þessari líka fínu mynd af drengjunum

Hejsan!
Í dag fór ég til Södertälje uppí SCANIA á fund um tvö mastersverkefni sem mér hefur boðist að gera. Þó eru mjög ólík en bæði mjög spennandi og það er því rosalega erfitt fyrir mig að gera uppá milli þessara verkefna en ég verð að gera upp hug minn núna um helgina. Það er smá ferðalag þarna suðureftir. Fyrst tek ég tunnelbanann niðrí bæ og síðan skipti ég yfir í Pendeltåg sem tekur 50 mín að fara niður til Södertälje, eftir það þarf ég síðan skipta í strætó sem skutlar mér að höfuðstöðvum Scania. Það lítur sem sagt út fyrir það að ég fái verkefni hjá Scania óháð því hvort ég vel þannig að ég þarf að farað venjast þessu ferðalagi. Eins og þið heyrið er ég nokkuð viss um að fá annaðhvort verkefnið þannig að vonandi er leit minni af mastersverkefnum nú lokið. Þegar ég kom heim í dag gekk ég framhjá blómabúð sem var með svo fallegum jólastjörnum að ég stóðst ekki mátið og keypti eina, núna er enn jólalegra hjá okkur á Marístöðum.
Hej hej!

Tjena!
Við skelltum okkar í óperuna í gær, 1.des, en samt ekki á Óperu, heldur ballet, hnotubrjótinn (eða Nötknäpparen). Í fyrsta inn á ævinni skelltum við Frímann okkur á balletsýningu og það var alveg rosalega gaman. Uppfærslan var mjög flott, náttúrulega sænskt yfirbrag þar sem hnotubrjóturinn var eins og Dalahesturinn (frekar fyndið) og mest áberandi fannst mér sviðsmyndin sem var rosalega stórt og flott. Set inn nokkrar myndir frá kvöldinu. Annars er næst á dagskrá hjá okkur er að endurnýja leigusamninginn og redda mér mastersverkefni. Svo hlökkum við ótrúlega mikið til að fara til Íslands en það eru bara 2 vikur !
Hej då

Sænski hnotubrjóta-dalahesturinn og rotturnar í einu atriðinu